Sýningin

Fjallað um hafís á fjölbreyttan og fræðandi hátt, þar er til að mynda fjallað um hvað hafís er, norðurslóðir, veðurfarsbreytingar, hafís við Ísland, veðurathuganir á Blönduósi, hafískannanir fyrr og nú, Austur-Grænland og konung norðursins – hvítabjörninn.

Hafís við Ísland

Í aldanna rás hefur hafísinn gert þjóðinni ýmsar skráveifur, kælt loftið sem leikur um landið, lokað siglingaleiðum og hulið gjöful fiskimiðin. Stundum þegar ísinn var mestur fyrr á öldum óttaðist fólk jafnvel hvítabirni sem komnir væru á rekísnum langa leið frá Grænlandi. Á hinn bóginn á hafísinn heiðurinn af því að leggja til nafn Íslands hvorki meira né minna, en Ísland er kennt við hafísinn.