Þekkingarsetrið á Blönduósi auglýsir eftir forstöðumanni í 100% starf. Þekkingarsetrið er rannsókna- og fræðasetur staðsett í Kvennaskólanum á Blönduósi. Sérsvið setursins eru textíll og strandmenning.

Helstu verkefni og ábyrgðarsvið:
- Að veita Þekkingarsetrinu forstöðu og vinna m.a. að samþættingu stofnanna í Kvennaskólanum á Blönduósi
- Ábyrgð á daglegum rekstri og starfsemi stofnunarinnar 
- Stefnumótun og áætlanagerð
- Vinna að verkefnaþróun og samstarfsverkefnum sem Þekkingarsetrið tekur þátt í
- Afla styrkja úr samkeppnissjóðum, innlendum og erlendum
- Mynda tengsl við innlenda og erlenda aðila á sérsviðum setursins

Hæfniskröfur:
- Háskólamenntun sem nýtist í starfi
- Fagleg þekking og góð reynsla af stjórnun
- Samskiptahæfni og jákvætt viðmót
- Sjálfstæð og öguð vinnubrögð
- Mjög góð íslensku- og enskukunnátta

Nánari upplýsingar veitir Arnar Þór Sævarsson, formaður stjórnar í síma 455 4700 eða í netfangi arnar@blonduos.is.

Umsóknarfrestur er til og með 5. febrúar 2018. Umsókn þarf að fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfi.

Þekkingarsetrið áskilur sér rétt til að hafna öllum umsóknum.

Var efnið á síðunni hjálplegt?