31.01.2019 - Byggðaráð Blönduósbæjar

Þorgils Magnússon, skipulags- og byggingarfulltrúi Blönduósbæjar, fór yfir stöðu úthlutana lóða á árinu 2018 og framkvæmda á þeim.

Byggðaráð samþykkir að allir sem hafa úthlutaðar lóðir í dag skulu fá sex mánuði til viðbótar við upphaflega úthlutun.

Framkvæmdir teljast hafnar þegar byggingarleyfi hefur verið gefið út.

Byggðaráð ítrekar að frekari frestir verða ekki veittir.

Skipulagsnefnd hefur fjallað um að deiliskipuleggja nýtt íbúðarsvæði á svæðum B og C skv. aðalskipulagi Blönduósbæjar. Það svæði nær frá Ennisbraut í átt að leikskóla og svæðið fyrir ofan Holtabraut.


Þorgils Magnússon, skipulags- og byggingarfulltrúi Blönduósbæjar óskar eftir að heimild verði gefin út til tæknideildar Blönduósbæjar að innleysa þau lönd sem eru í útleigu á þessu svæði til sveitarfélagsins.

Byggðaráð samþykkir erindið.

Þorgils vék af fundi kl: 18:00.

Hallgrímur Sveinn Sævarsson er að setja saman verkefni með nýrri nálgun á ljóð, prósa, örsögur og erindi úr meðal annars Völuspá, Hávamálum og Biblíunni. Tilgangur verkefnisins er að setja upp vefsíðu og geisladisk.

Óskar hann eftir styrk uppá 200.000 kr. í þetta verkefni.

Byggðaráð hafnar erindinu og bendir umsækjanda á Uppbyggingarsjóð Norðurlands vestra.

Krabbameinsfélag Austur Húnavatnssýslu fagnaði 50 ára afmæli í nóvember 2018 og er ætlunin að halda upp á það 3. mars 2019 og bjóða til afmælis.

Óskað er eftir styrk frá sveitarfélaginu til að geta gert afmælisdaginn eftirminilegan og jafnframt að nýta þá hátíð til að vekja athygli á félaginu með von um að fjölga félagsmönnum.

Byggðaráð samþykkir styrk að upphæð 50.000 kr. Færist af lið 0285 - 9919

Félag eldri borgara hefur undanfarin ár verið með leikfimi fyrir félagsmenn sína á miðvikudagsmorgnum, frá október til júní, að Þverbraut 1 Harmonikkusal). Óskar félagið eftir að fá að halda þeirri aðstöðu áfram.

Auk þess hefur félagið hug á að auka starfsemi sína í salnum tvo daga í mánuði fyrir til dæmis félagsfundi og opið hús.

Byggðaráð felur sveitarstjóra að svara erindinu miðað við umræður á fundinum.

Landsþing Sambands íslenskra sveitarfélaga verður haldið í Grand hótel í Reykjavík 29. mars nk.

Fulltrúar Blönduósbæjar er Rannveig Lena Gísladóttir, aðalmaður og Guðmundur Haukur Jakobsson, varamaður.

Lagt fram til kynningar.

Heimsmarkmið Sameinuðu þjóðanna um sjálfbæra þróun voru einróma samþykkt af aðildarríkjum Sameinuðu þjóðanna árið 2015.
Með aðild sinni hafa íslensk stjórnvöld skuldbundið sig til þess að vinna að markmiðunum fram til ársins 2030, bæði á innlendum og erlendum vettvangi.
Forsætisráðuneytið hvetur sveitarfélög til að kynna sér heimsmarkmiðin.

Lagt fram til kynningar.

Byggðaráð samþykkir kauptilboð í fasteignir á jörðinni Enni ásamt afmarkaðri leigulóð.

Einnig samþykkir Byggðaráð aðgang tilboðsgjafa að fasteignunum frá og með 1. febrúar 2019.

Samgöngu- og sveitarstjórnarráðuneytið hefur undirritað nýja reglugerð um Jöfnunarsjóð sveitarfélaga sem tók gildi 1. janúar 2019.
Gerðar eru breytingar á forsendum útgjaldajöfnunarframlaga til sveitarfélaga ásamt uppfærslu á efni hennar til samræmis við breytingar sem gerðar hafa verið á ákvæðum laga um tekjustofna sveitarfélaga.
Breytingarnar eru byggðar á vinnu sem hefur farið fram við endurskoðun á regluverki Jöfnunarsjóðs á undanförnum árum.

Lagt fram til kynningar.

Valdimar O Hermannsson, sveitarstjóri Blönduósbæjar, fór yfir stöðu mála varðandi mögulega móttöku flóttafólks. Áætlað er að Félagsmálaráðuneytið haldi kynningu fyrir sveitarstjórnarfólk og aðra hagsmunaaðila 11. - 12. febrúar nk.

Lagt fram til kynningar.

Dr. Þór Jakobsson veðurfræðingur, fyrrum verkefnastjóri sjóveður- og hafísrannsókna Veðursstofu Íslands og aðjunkt við eðlisfræðiskor Háskóla Íslands sendir inn hugleiðingar um stofnun seturs um "loftlagsbreytingar, veður, haf og hafís" á Blönduósi með tengsl við önnur setur, söfn og sýningar við Húnaflóa.

Byggðaráð felur sveitarstjóra að svara erindinu og ræða við viðkomandi.

Fundargerð 40. fundar stjórnar SSNV lögð fram til kynningar.

Fundargerð 1. fundar Samgöngu- og innviðanefndar SSNV lögð fram til kynningar.

Fundargerð 2. fundar Samgöngu- og innviðanefndar SSNV lögð fram til kynningar.

Fundargerð Byggðasamlags um menningar- og atvinnumál frá 9. nóvember 2018 lögð fram til kynningar.

Fundargerð Byggðasamlags um menningar- og atvinnumál frá 20. nóvember 2018 lögð fram til kynningar.

Fundargerð Byggðasamlags um menningar- og atvinnumál frá 17. desember 2018 lögð fram til kynningar.

Fundargerð Brunavarna A - Hún. frá 5. nóvember 2018 lögð fram til kynningar.

Fundargerð Brunavarna A-Hún. frá 20. nóvember 2018 lögð fram til kynningar.

Fundargerð Brunavarna A-Hún. frá 17. desember 2018 lögð fram til kynningar.