14.12.2021 - Byggðaráð Blönduósbæjar

Sigrún Hauksdóttir, skrifstofu- og fjármálastjóri fór yfir fjárhagsáætlun 2022 og kynnti þær breytingar sem gerðar hafa verið frá fyrri umræðu og áhrif á niðurstöðu.
Að lokinni kynningu og umræðum um fjárhagsáætlun 2022 þá samþykkir byggðaráð fram lagða fjárhagsáætlun, með þremur atkvæðum, og vísar henni til síðari umræðu og staðfestingar sveitarstjórnar.

Sveitarstjóri kynnti fram lögð drög að samstarfssamningi um sameiginlegt embætti skipulags- og byggingafulltrúa í Húnavatnssýslum og helstu forsendur hans. Byggðaráð samþykkir fyrirliggjandi drög og felur sveitarstjóra að vinna áfram að útfærslu samnings og kostnaðarskiptingar í samráði við þátttökusveitarfélög.

Á 40. fundi fræðslunefndar, 14/05.2021, undir 8. lið á dagskrá var bókað:
"Í ljósi lengingar fæðingarorlofs sem tekið hefur gildi og til samræmingar við nágrannasveitarfélög vill fræðslunefnd hvetja sveitarstjórn að kanna möguleikann á endurskoðun á reglum um inntökualdur leikskólabarna til hækkunar." Þá leggja stjórnendur leikskólans það til að inntökualdur verði hækkaður sem fyrst úr 8 mánaða í 12 mánaða. Byggðaráð tekur undir fram komin sjónarmið um hækkaðan inntökualdur en vísar ákvörðun til sveitarstjórnar.

Lagt fram til kynningar.