01.02.2017 - Landbúnaðarnefnd Blönduósbæjar

Tekið fyrir erindi frá Sigfúsi Heiðari Árdal þar sem hann ósdkar eftir að draga út fyrir ref á Kirkjuskarið.

Nefndin mælir ekki með að dregið sé út fyrir ref á Kirkjuskarði að svo stöddu. Það fé sem veitt hefur verið til refaveiða hefur varla dugað til grenjavinnslu hvað þá til vetrarveiða.

Tekið fyrir bréf frá Sigurði Ágústssyni á Geitaskarði um stóðsmölun á Laxárdal og tilhögun á henni. Í bréfi Sigurðar kemur fram ósk um að haldinn verði fundur um málið og tekur nefndin undir það. Samþykkt að boða til fundar og boða þar til hagsmunaaðila svo sem Vindhælinga, búfjáreigendur og ferðaþjónustuaðila á svæðinu.

Nefndin beinir því til sveitarstjórnar að finna lausn á förgun á dýrahræjum sem falla til í sveitarfélaginu. Til að mynda má benda á fyrirkomulag sem Skagfirðingar notast við en þar fer bíll um sveitarfélagið einu sinni í viku og hirðir upp hræ fyrir bændur þeim að kostnaðarlaustu.

Gauti vakti máls á því að fé sé rekið inn í heimarétt í Hvammi. Þetta samrýmist ekki lögum og reglum um fjallskilamál og sjúkdómsvarnir. Nefndin er sammála um að huga þarf að hentugri framtíðarlausn.