Dagskrá
1.Umsókn um lóð - Smárabraut 7 og 9
1808005
Erindi frá Mýrarbraut 23 ehf., umsókn um lóðir fyrir raðhús að Smárabraut 7 og 9. Um er að ræða 5 íbúða raðhús. Húsið verður timbureiningar á staðsteyptum sökkli. Framkvæmdarhraði er innan skilmála í reglum um tímabundna niðurfellingu á gatnagerðargjöldum.
2.Umsókn um lóð - Garðabyggð 10
1808006
Erindi frá Mýrarbraut 23 ehf., umsókn um lóð fyrir parhús að Garðabyggð 10, hvor íbúð verður um 90 fermetrar að stærð. Húsið verður með staðsteyptum sökkli og á hann kemur timburgrind. Framkvæmdarhraði er innan skilmála í reglum um tímabundna niðurfellingu á gatnagerðargjöldum.
Nefndin telur að lítið parhús geti rúmast á lóðinni en tekur ekki frekari afstöðu til erindisins fyrr en gögn liggja fyrir. Öll byggingaráform á lóðinni þarf að grendarkynna Nefndin vísar afgreiðslunni til byggðaráðs. Nefndin vekur athygli á að úthlutunarreglur um ívilanir vegna gatnagerðagjalda miða við að lögaðilar fái að hámarki 2 lóðir samkvæmt þeim reglum.
3.Hvammur rétt - Umsókn um framkvæmdaleyfi
1808007
Erindi frá Gauta Jónssyni og landbúnaðarnefnd Blönduósbæjar, óskað er eftir framkvæmdarleyfi til að gera fjárrétt í landi Hvamms skv. meðfylgjandi teikningum.
Nefndin samþykkir áformin fyrir sitt leiti.
4.Umsókn um breytingu á deiliskipulag
1808008
Erindi frá BDC North ehf, óskað er eftir breytingu á deiliskipulaginu við Fálkagerði þannig að lóðirnar sem fyrirtækið hefur til umráða verði sameinaðar í eina lóð skv. meðfylgjandi teikningum. Um er að ræða lóðir 1,3,5 og 7.
Nefndin telur að um óverulega breytingu á deiliskipulagi sé að ræða. Þar sem breytingin varðar ekki hagsmuni annarra en sveitarfélagsins og umsækjanda fellur nefndin frá því að breytingin sé grenndarkynnt skv. 44. gr. skipulagslaga nr. 123/2010. Umsækjandi greiðir allan kostnað við deiliskipulagsbreytinguna.
5.Skotæfingasvæði - Umsókn um byggingarleyfi
1808009
Erindi frá Skotfélaginu Markviss, umsókn um byggingarleyfi fyrir skýli fyrir riffilbraut skv. meðfylgjandi teikningum gerðum af Stoð ehf. unnið af Eyjólfi Þórarinssyni teikningar nr. A-101 og A-102.
Nefndin samþykkir byggingaráformin enda séu þau í samræmi við deiliskipulag.
6.Umhverfisviðurkenning 2018
1807014
Umhverfisviðurkenning árið 2018. Skv. bókun síðasta fundar.
Nefndin samþykkti að veita þremur aðilum viðurkenningar og voru þær afhentar á kvöldvöku Húnavöku þann 21. júlí sl. Bergþóri Gunnarssyni og Hrefnu Ósk Þórsdóttur, íbúum að Garðabyggð 6, var veitt viðurkenning fyrir fallegan og vel hirtan garð, Íslandspósti, Hnjúkabyggð 32 viðurkenning fyrir hreint og snyrtilegt umhverfi og Ingibjörgu Jósefsdóttur, Enni, fyrir snyrtilegt bændabýli.
Fundi slitið - kl. 17:15.
Nefndin vekur athygli á að breyting á skipulagi er á kostnað umsækjanda.