58. fundur 04. september 2019 kl. 16:00 - 17:30 í fundarsal að Hnjúkabyggð 33
Nefndarmenn
  • Zophonías Ari Lárusson formaður
  • Arnrún Bára Finnsdóttir aðalmaður
  • Atli Einarsson aðalmaður
  • Anna Margret Sigurðardóttir aðalmaður
  • Agnar Logi Eiríksson varamaður
Starfsmenn
  • Þorgils Magnússon byggingafulltrúi
  • Ágúst Þór Bragason yfirmaður tæknideildar
Fundargerð ritaði: Ágúst Þór Bragason
Dagskrá

1.Áherslur SUU í komandi fjárhagsáætlunargerð

1909001

Tillögur nefndarinnar um áherslur í málaflokkunum fyrir komandi fjárhagsáætlunargerð.
Valdimar Ó. Hermannsson kom inn á fundinn undir þessum lið. Nefndin fór yfir nokkur mál sem hún vill að áhersla verði lögð á í komandi vinnu við fjárhagsáætlun og mun skoða það nánar á milli funda.

2.Blönduósbær - Umhverfisviðurkenningar 2019

1906024

Umhverfisviðurkenningar árið 2019. Skv. bókun síðasta fundar.
Húseigendur að Húnabraut 16, Blönduósi hlutu viðurkenningu Blönduóssbæjar 2019 fyrir fallegan og vel hirtan garð.

Ábúendur á Móbergi í Langadal hlutu viðurkenningu Blönduóssbæjar 2019 fyrir snyrtilegt og fallegt umhverfi.

Ámundakinn ehf. hlaut viðurkenningu Blönduóssbæjar 2019 fyrir fallegan frágang og snyrtilegt umhverfi að Hnjúkabyggð 34b.

Viðurkenningarnar voru veittar á Húnavökuhátíðinni í júlí sl.


3.Bakkakot - Umsókn um stofnun lóðar

1909003

Erindi frá Valdimari Guðmannssyni, umsókn um stofnun lóðar úr landi jarðarinnar Bakkakots, lnr. 145405, fyrir frístundahús, skv. meðfylgjandi hnitsettum afstöðuuppdrætti gerðum hjá Ráðbarði sf. verkfræðistofu af Bjarna Þór Einarssyni byggingartæknifræðingi. Jafnframt er sótt um að stofna þrjá byggingareiti á lóðinni fyrir frístundahús, byggingarreitinn B1 undir og umhverfis núverandi frístundarhús og byggingareitina B2 og B3 til síðari nota. Númer uppdráttar er BK20701 í verki nr. 190801, dags. 26.ágúst 2019.
Nefndin samþykkir stofnun lóðarinnar samkvæmt meðfylgjandi erindi.

4.Gámasvæði

1906023

Lögð er fram lóðarteikning af geymslusvæði fyrir gáma við Skúlahorn.
Nefndin samþykkir lóð fyrir geymslusvæði með þeim ábendingum sem fram komu á fundinum með fyrirvara um grendarkynningu. Grendarkynningin nær til lóðarinnar að Skúlahorni lnr. L209763.

5.Urðarbraut 1 - Umsókn um tilkynnta framkvæmd

1909002

Erindi frá Arnrúnu Báru Finnsdóttur. Umsókn um tilkynnta framkvæmd skv. meðfylgjandi teikningu gerðum af Trausta Val Traustasyni, byggingartæknifræðingi, dags. 10.07.2019. Um er að ræða stækkun á skyggni yfir útidyrahurð.
Nefndin samþykkir byggingaráformin.

6.Húnabraut 4 - Umsókn um byggingarleyfi

1906020

Nefndin samþykkti í upphafi fundar að taka málið á dagskrá. Erindi frá Ámundakinn ehf. Umsókn um byggingarleyfi vegna fyrirhugaðrar viðbyggingar og endurbóta á húsasamstæðu á lóð nr. 4 við Húnabraut á Blönduósi.
Fyrirhugaðar endurbætur ná til viðbyggingar nýs anddyris/glerskála, niðurrifs og uppbyggingar veggja til afmörkunar nýrra þjónusturýma. Nýtt inntak og inntaksrými fyrir kalt vatn. Endurgerð inntaksgrindar hitaveitu og endurgerðar lagnir að núv. neysluvatns- og hitakerfisstofnum núv. þjónusturýma. Leggja skal nýjar stofnlagnir fyrir neysluvatns- og hitakerfi í ný þjónusturými. Lögð verður ný fráveita í ný þjónusturými. Skilað verður öllum rýmum tilbúnum undir innréttingar. Einnig er um að ræða breytingar á brunaskilum ásamt því að uppdráttur hefur verið uppfærður til samræmis við þekktar breytingar sem gerðar verða á innangerð húss. Meðfylgjandi eru uppdrættir unnir á Stoð ehf. verkfræðistofu, gerðir af Þórði Karli Gunnarssyni.
Uppdrættirnir eru í verki númer 755744 dagsettir 4. september 2019. Númer aðaluppdrátta er A-100 til A-102.
Nefndin samþykkir byggingaráformin

Fundi slitið - kl. 17:30.

Var efnið á síðunni hjálplegt?