59. fundur 02. október 2018 kl. 17:00 - 18:45 í fundarsal að Hnjúkabyggð 33
Nefndarmenn
  • Guðmundur Haukur Jakobsson aðalmaður
  • Anna Margret Sigurðardóttir 2. varaforseti
  • Rannveig Lena Gísladóttir forseti
  • Birna Ágústsdóttir aðalmaður
  • Sigurgeir Þór Jónasson 1. varaforseti
  • Hjálmar Björn Guðmundsson aðalmaður
  • Gunnar Tr. Halldórsson aðalmaður
Starfsmenn
  • Atli Einarsson ritari
  • Valdimar O. Hermannsson sveitarstjóri
Fundargerð ritaði: Atli Einarsson
Dagskrá
Í upphafi fundar kom fram beiðni um að bæta við fundarliðnum önnur mál þar sem ræða þyrfti skipun í Öldungaráð Blönduósbæjar.
Beiðnin samþykkt samhljóða.

1.Byggðaráð Blönduósbæjar - 120

1809005F

Fundargerðin lögð fram til kynningar.
  • Byggðaráð Blönduósbæjar - 120 Á fundi Skipulags-, umhverfis- og umferðarnefndar þann 5. september 2018 var tekin fyrir umsókn um lóð að Fálkagerði 2 og afgreiðslu hennar vísað til byggðaráðs.

    Byggðaráð samþykkir að úthluta Landsneti lóðinni skv. úthlutunarreglum sveitarfélagsins. Lóðin fellur aftur til sveitarfélagsins ef framkvæmdir eru ekki hafnar innan sex mánaða frá lóðarúthlutun.
  • Byggðaráð Blönduósbæjar - 120 Uppbygging ehf óskar eftir framlengingu á úthlutun lóðar að Hnjúkabyggð 29 til 3. mánaða frá 17. september 2018. Áætlað er að framkvæmdir við bygginguna hefjist í lok nóvember 2018 og taki 12 - 13 mánuði.

    Byggðaráð samþykkir framlengingu á úthlutun lóðar að Hnjúkabyggð 29 skv. úthlutunarreglum sveitarfélagsins. Lóðin fellur aftur til sveitarfélagsins ef framkvæmdir eru ekki hafnar innan 3. mánaða frá framlengingu lóðarúthlutunarinnar.
  • Byggðaráð Blönduósbæjar - 120 Á sveitarstjórnarfundi 11. september sl. var lögð fram fyrirspurn varðandi gang mála á smíðastofu í Blönduskóla.

    Byggðaráð fór yfir þau gögn sem liggja fyrir um áform að smíðastofu. Sveitarstjóra er falið að svara fyrirspurn.
  • Byggðaráð Blönduósbæjar - 120 Valdimar O. Hermannsson, sveitarstjóri, lagði fram drög að skipulagi við vinnu fjárhagsáætlunar 2019.

    Byggðaráð samþykkir að hefja vinnu við fjárhagsáætlun 2019.
  • Byggðaráð Blönduósbæjar - 120 Íbúðalánaðsjóður leitar til sveitarfélaga til þátttöku í tilraunaverkefni um uppbyggingu í húsnæðismálum á landsbyggðinni. Tilraunaverkefnið snýr að því að leita leiða til þess að bregðast við þeim mikla húsnæðisvanda sem ríkir víðsvegar á landsbyggðinni. Verkefnið tekur mið af stjórnarsáttmála ríkisstjórnarinnar þar sem fram kemur að stuðla skuli að eflingu og auknu jafnvægi á húsnæðismarkaði. Einnig tekur það mið af stefnumótandi byggðaáætlum sem samþykkt var á Alþingi þann 11. júní sl. þar sem m.a. er kveðið á um markmið um fjölgun íbúða á svæðum þar sem skortur á hentugu íbúðarhúsnæði hamlar uppbyggingu í sveitarfélögum.

    Byggðaráð felur sveitarstjóra að sækja um þátttöku í tilraunaverkefni Íbúðalánasjóðs fyrir hönd Blönduósbæjar.
  • Byggðaráð Blönduósbæjar - 120 Fundargerðin lögð fram til kynningar.
  • Byggðaráð Blönduósbæjar - 120 Fundargerðin lögð fram til kynningar.
  • Byggðaráð Blönduósbæjar - 120 Fundargerðin lögð fram til kynningar.
  • Byggðaráð Blönduósbæjar - 120 Fundargerðin lögð fram til kynningar.
  • Byggðaráð Blönduósbæjar - 120 Fundargerðin lögð fram til kynningar.
  • Byggðaráð Blönduósbæjar - 120 Fundargerðin lögð fram til kynningar.
  • Byggðaráð Blönduósbæjar - 120 Byggðaráð felur sveitarstjóra að útbúa reglur fyrir Blönduósbæ um framlög til stjórnmálasamtaka er bjóða fram til sveitarstjórnarkosninga með vísan til laga um "Framlög til stjórnmálasamtaka frá sveitarfélögum" Nr. 162/2006, 5.Gr.

2.Jafnréttisnefnd Blönduósbæjar - 12

1809006F

Fundargerðin lögð fram til kynningar.
  • Jafnréttisnefnd Blönduósbæjar - 12 Fundarmenn undirrituðu erindisbréf nefndarinnar.
  • Jafnréttisnefnd Blönduósbæjar - 12 Nefndin vann áfram að jafnréttisáætlun sveitarfélagsins.

    Umræða skapaðist um nýsamþykkt lög nr. 85/2018 um jafna meðferð óháð kynþætti og þjóðernisuppruna. Formanni falið að hafa samband við Jafnréttisstofu og kanna áhrif þeirra á gerð jafnréttisáætlunar.

    Jafnréttisnefnd fjallaði sérstaklega um mikilvægi þess að fjárveiting til jafnréttismála verði tryggð við gerð fjárhagsáætlunar og ítrekar þær víðtæku lögbundnu skyldur sem lagðar eru á sveitarfélagið í því sambandi.

3.Menningar-, tómstunda- og íþróttanefnd - 10

1809002F

Fundargerðin lögð fram til kynningar.

4.Menningar-, tómstunda- og íþróttanefnd - 11

1809008F

Fundargerðin lögð fram til kynningar.
  • 4.1 1809018 Almenn málefni
    Menningar-, tómstunda- og íþróttanefnd - 11 Nefndin ræddi málefni tengd menningu,-tómstundum og íþróttum í samfélaginu.
  • Menningar-, tómstunda- og íþróttanefnd - 11 Forstöðumaður Íþróttamiðstöðvarinnar Róbert Daníel tók á móti nefndinni og fór yfir málefni tengd henni.

5.Styrkur til stjórnmálasamtaka

1809016

Sveitarstjóri kynnti drög að reglum Blönduósbæjar um styrk til stjórnmálasamtaka sem hlotið hafa kosningu í sveitarstjórnarkosningum.

Talsverðar umræður sköpuðust um reglurnar og gerðar voru nauðsynlegar breytingar á þeim.

Að breytingum loknum voru reglurnar bornar upp og samþykkt samhljóða.

6.Skýrsla sveitarstjóra

1510028

Sveitarstjóri fór yfir stöðu ýmissa mála.

Í ljósi komandi fjárhagsáætlunargerðar var farið yfir áætlanir og fjárhagsstöðu sveitarfélagsins.

Miklar almennar umræður sköpuðust um stöðu margra málaflokka í sveitarfélaginu.

7.Önnur mál

1510017

Fjallað var um skipun í öldungaráð Blönduósbæjar.
Komu fram tillögur um skipun eftirfarandi aðila í ráðið:
Aðalmenn:
Valgarður Hilmarsson (L)
Helga Margrét Sigurjónsdóttir (Ó)
Zophonías Ari Lárusson (L)
Varamaður:
Steinunn Hulda Magnúsdóttir (Ó)
Tillagan borin upp og samþykkt samhljóða

Fundi slitið - kl. 18:45.

Var efnið á síðunni hjálplegt?