11. fundur 28. maí 2015 kl. 17:00 - 18:30 í fundarsal að Hnjúkabyggð 33
Nefndarmenn
  • Valgarður Hilmarsson forseti
  • Guðmundur Haukur Jakobsson aðalmaður
  • Anna Margrét Jónsdóttir 1. varaforseti
  • Zophonías Ari Lárusson aðalmaður
  • Oddný María Gunnarsdóttir 2. varaforseti
  • Sindri Páll Bjarnason aðalmaður
  • Arnar Þór Sævarsson sveitarstjóri
  • Harpa Hermannsdóttir varamaður
  • Auðunn Sigurðsson ritari
Fundargerð ritaði: Auðunn Sigurðsson, fundarritari
Dagskrá

1.Ársreikningur 2014 - fyrri umræða

1505015

Ársreikningur Blönduósbæjar 2014 tekinn til fyrri umræðu. Forseti bauð velkomin á fundinn Þorstein G. Þorsteinsson, frá KPMG, endurskoðanda Blönduósbæjar og Jens P. Jenssen, aðalbókara Blönduósbæjar. Þorsteinn fór yfir ársreikninginn og útskýrði helstu liði hans. Helstu tölur úr ársreikningi eru þessar: Rekstrartekjur eru 790,1 milljónir króna en fjárhagsáætlun með viðaukum gerði ráð fyrir tekjum upp á 788,3 milljónir króna. Rekstargjöld voru 716,1 milljónir króna, fjármagnsgjöld voru 30,5 milljónir króna og niðurstaða úr rekstri er tap A og B hluta uppá 7,4 milljónir króna en fjárhagsáætlun með viðaukum gerði ráð fyrir hagnaði uppá 4,3 milljónir króna. Eigið fé Blönduósbæjar í árslok 2014 nam 606,4 milljónum króna. Almennar umræður og fyrirspurnir urðu um reikninginn. Að því loknu var samþykkt að vísa ársreikningi Blönduósbæjar 2014 til síðari umræðu á næsta fundi sveitarstjórnar.



Hér viku Þorsteinn og Jens af fundi.

2.Breytingar á fræðslunefnd

1505003

L-listinn lagði fram svo hljóðandi tillögur að breytingu á fræðslunefnd. Í stað Önnu Kristínar Davíðsdóttur, sem hefur óskað eftir að hætta kemur Kristín Ingibjörg Lárusdóttir. Í stað Evu Hrundar Péturdóttur, sem óskað hefur eftir ársleyfi kemur Anna Margrét Jónsdóttir. Ekki voru gerðar athugasemdir við tillöguna og skoðast þær þá rétt kjörnar.

3.Refsstaðir

1505014

Lagt var fram tilboð Blönduósbæjar í jörðina Refsstaði í Laxárdal. Tilboðið hljóðar uppá 1.800.000 kr. Sveitarstjórn samþykkir umrætt kauptilboð með 7 atkvæðum og felur sveitarstjóra að undirrita kaupsamninginn fyrir hönd sveitarfélagsins.

4.Samráðsvettvangur Sóknaráætlunar Norðurlands vestra

1505013

Samningur um sóknaráætlun Norðurlands vestra 2015-2019 var undirritaður 10. febrúar 2015. Sóknaráætlun Norðurlands vestra er þróunaráætlun og felur í sér stöðumat landshlutans, framtíðarsýn, markmið og leiðir til að ná fram þeirri framtíðarsýn. Áætlunin er gerð til 5 ára en hægt er að uppfæra hana innan tímabilsins.





Samkvæmt samningnum skipa landshlutasamtökin (SSNV) samráðsvettvang þar sem tryggð er sem breiðust aðkoma sveitarstjórna, stofnana, atvinnulífs, menningarlífs, fræðasamfélags og annarra haghafa í landshlutanum. Gæta skal lýðræðis-, búsetu-, aldurs- og kynjasjónarmiða. Samráðsvettvangurinn skal m.a. hafa beina aðkomu að gerð sóknaráætlunarinnar.





Á fundi stjórnar SSNV 13. maí sl., var samþykkt að fela sveitarstjórnum sveitarfélaganna á Norðurlandi vestra að tilnefna fulltrúa í 32 manna samráðsvettvang.



Skipting fulltrúanna er sem hér segir:



Sveitarfélögin í Skagafirði 14 fulltrúar 14 til vara

Sveitarfélögin í A-Hún 11 fulltrúar 11 til vara

Húnaþing vestra 7 fulltrúar 7 til vara



Valgarði Hilmarssyni og Arnari Þór Sævarssyni er falið að leita til aðila um að vera fulltrúar sveitarfélagsins í samráðsvettvangnum.

Fundi slitið - kl. 18:30.

Var efnið á síðunni hjálplegt?