Dagskrá Sumarfjörs yngri hópur
Dagskrá Sumarfjörs eldri hópur
Skemmtileg og fjölbreytt sumardagskrá þar sem börnum í sameinuðu sveitarfélagi Blönduósbæjar og Húnavatnshrepps stendur til boða að sækja námskeið í sumar í samstarfi við fyrirtæki, stofnanir og íþróttafélög. Um er að ræða Sumarfjör þar sem lögð er áhersla á leiki, skemmtun og fræðslu. Boðið er upp á íþróttir, leiki, listir, fræðslu, kassabílasmíði, vettvangsferðir, sundpartý , matreiðslunámskeið og ýmislegt fleira.
Í sumar verða tveir hópar í Sumarfjöri.
Kl. 9-12 alla virka daga fyrir 6-9 ára börn (fædd 2013-2015).
Börn fædd árið 2016 stendur til boða að taka þátt seinustu tvær vikurnar.
Kl. 13-16 alla virka daga fyrir 10-12 ára börn (fædd 2010-2012).
Hér í facebook hóp Sumarfjörs, Sumarfjör á Blönduósi verða settar inn allar upplýsingar t.d. ef einhverjar breytingar verða á dagskrá o.fl.
Gjaldskrá fyrir Sumarfjör sumarið 2022 er eftirfarandi:
1 vika 4.000 kr
2 vikur 6.000 kr
3 vikur 8.000 kr
4 vikur 10.000 kr
5 vikur 12.000 kr
6 vikur 14.000 kr
Systkinaafsláttur er 50% fyrir systkini sem eru skráð sömu vikuna í Sumarfjör.
Krafa mun birtast í heimabanka greiðanda.
Skráning fer fram hér, fyrir fimmtudaginn 2.júní 2022
Yfirumsjón með Sumarfjöri hefur Kristín Ingibjörg Lárusdóttir menningar-, íþrótta-, og tómstundafulltrúi Blönduósbæjar
s: 691-8686
netfang: kristin@blonduos.is
Umsjónarmaður Sumarfjörs er: Hulda Birna Vignisdóttir s: 618-0688
Netfang: hulda@blonduskoli.is
Ásamt Huldu verður Guðrún Tinna Rúnarsdóttir s: 858-1881 með yngri hópinn fyrir hádegi.
Aðrir starfsmenn Sumarfjörs eru krakkar úr Vinnuskólanum.
Mæting alla daga á skólalóð Blönduskóla, við endum alla daga þar líka, nema annað komi fram. Gert er ráð fyrir að allir mæti með hollt og gott nesti. (Gos, orkudrykkir og sælgæti er ekki leyfilegt). Gott að hafa með sér vatnsbrúsa líka.
Mikilvægt er að börnin séu klædd eftir veðri. Minnum á sólarvörn.
Hlökkum til að sjá ykkur í sumar!