Tilkynningar og fréttir

Blönduósbær óskar eftir tilboðum í skólamáltíðir skólaárið 2019-2020. Verkið felst í framleiðslu hádegisverða fyrir nemendur og starfsfólk, flutningi frá framleiðslustað til skóla og frá skóla að matarhléi loknu hvern dag.

Rúllubaggaplast verður sótt í dreifbýli Blönduósbæjar miðvikudaginn 17. júlí 2019. Þeir sem vilja láta taka plast þurfa að hafa samband við bæjarskrifstofu, í síma 455-4700 eða með tölvupósti á katrin@blonduos.is fyrir þriðjudag, 16. júlí til að láta vita af því hvort sækja þurfi plast.

Í dag eru starfsmenn Þjónustumiðstöðvar að mála miðlínur gatna á Blönduósi og eru vegfarendur beðnir að taka tillit til þess.

Á leikskólanum Barnabæ, Blönduósi fer fram fjölbreytt og skemmtilegt uppeldisstarf með börnum á aldrinum 8 mánaða til 6 ára. Unnið er samkvæmt Aðalnámskrá leikskóla 2011 og við leggjum áherslu á að námið fari fram í gegnum leik.

Á sveitarstjórnarfundi sem fór fram í gær var kosið nýjan forseta sveitarstjórnar. Sigurgeir Þór Jónasson var kjörinn forseti sveitarstjórnar í stað Rannveigar Lenu Gísladóttur. Guðmundur Haukur Jakobsson var kjörinn varaforseti.

Opnunarhátíð Norðurstrandarleiðar, eða Arctic Coast Way, verður haldin á degi hafsins, laugardaginn 8.júní. Norðurstrandarleið er um 900 kílómetrar og liggur milli Hvammstanga í vestri og Bakkafjarðar í austri. Leiðin liggur um 21 bæ eða þorp meðfram ströndinni og undan landi eru sex eyjar sem auðveldlega er að hægt að komast út í með bát eða ferju. Verkefninu er ætlað að virka sem aðdráttarafl fyrir þá ferðamenn sem vilja ná betri tengslum við náttúruna og menningarlíf svæðisins.

Prjónagleðin 2019 hefst á Blönduósi í dag og stendur yfir helgina en þetta er í fjórða sinn sem hún er haldin. Í dag milli klukkan 13-17 geta þátttakendur Prjónagleðinnar farið í heimsókn í Ullarþvottastöð Ístex á Blönduósi og séð þvottaferlið og hvernig ullin er undirbúin til spuna.

Það styttist óðum í okkar skemmtilega leikjanámskeið, en það mun hefjast 11. júní. Elsti árgangur í leikskóla og þau börn sem að eru að ljúka 1-4. bekk í ár eru velkomin á leikjanámskeiðið.

Umhverfis- og tiltektardagar verða á Blönduósi frá þriðjudeginum 28. maí til og með fimmtudegium 30. maí, þar sem bæjabúar og fyrirtæki eru hvött til að fara yfir sitt nánasta umhverfi, og hreinsa til. Einnig gott að plokka opin svæði með frjálsri aðferð.