Stefnt er að því að gefa út bækling/vefrit með upplýsingum um íþrótta- og tómstundastarf sem verður í boði sumarið 2022 fyrir unga sem aldna í nýju sameinuðu sveitarfélagi Blönduósbæjar og Húnavatnshrepps.
Það sem væri t.d. hægt að hafa í bæklingnum er leikjanámskeið, reiðskóli, íþróttir, leiklist o.fl sem er í boði. Þessi listi er ekki tæmandi.
Því leitum við til þeirra aðila sem halda út slíkri starfsemi. Upplýsingar þurfa að hafa borist menningar-, íþrótta og tómstundafulltrúa fyrir 28.apríl 2022 með öllum þeim upplýsingum sem þurfa að koma fram, m.a. dagskrá, tímasetningum og upplýsingum um starfsemina.
Hér er hægt að sjá bæklinginn sem gefinn var út vorið 2021.
Nánari upplýsingar veitir menningar-, íþrótta- og tómstundafulltrúi Blönduósbæjar á netfanginu kristin@blonduos.is eða í síma 455-4700.