Blönduósbær hefur ráðið Jón Þór Eyþórsson sem viðburðarstjóra fyrir Húnavöku 2019, en Jón Þór var valinn úr hópi 11 umsækjenda sem sóttu um starfið, sem var auglýst í mars s.l.

Jón Þór hefur yfirgripsmikla reynslu á þessu sviði, viðburðarstjórnunar, verkefnastýringar og markaðsmála, en hann  mun sjá um undirbúning, skipulagningu dagskrár og framkvæmd fyrir HÚNAVÖKU 2019,  sem nú er haldinn 18. – 21. júlí, ásamt öðrum sem koma þurfa að málum.

Menningar-, íþrótta og tómstundanefnd Blönduósbæjar fagnar ráðningu viðburðarstjóra og vonast eftir góðu samstarfi við Jón Þór, og að  HÚNAVAKA 2019, verði eftirminnileg hátíð.

F.h Blönduósbæjar

Valdimar O Hermannsson

Var efnið á síðunni hjálplegt?