Blönduósbær hefur ráðið Þórunni Ólafsdóttur sem verkefnastjóra, vegna móttöku flóttafólks til Blönduóss, en Þórunn  hefur fjölbreytta reynslu af störfum með fólki á flótta, og starfaði  fyrir Hafnarfjarðarbæ, sem verkefnastjóri í málefnum umsækjenda um alþjóðlega vernd. Þá  stofnaði hún m.a. félagið Akkeri – flóttahjálp, í kjölfar hjálparstarfs á Grikklandi haustið 2015.  Þórunn er, sem verkefnastjóri, tengiliður sveitarfélagsins við alla þá sem þurfa að koma að þessu mikilvæga verkefni, og mun vinna náið með öllum hagaðilum málsins, ásamt íbúum.   

Þá hefur einnig verð gengið frá ráðningu á Kinan Kadoni, sem túlks, stuðningafulltrúa og menningarmiðlara, vegna móttöku flóttafólks en Kinan sem er sýrlenskur að uppruna, hefur unnið að þessum málum m.a., sem túlkur og menningarmiðlari, m.a., á Ísafirði og í Reykjavík. Þá hefur hann einnig unnið með alþjóðlegum samtökum eins og t.d. „Læknar án landamæra“ Kinan mun leggja áherslu á túlkun og fræðslu, auk þess að vera stuðningsfulltrúi í skólunum.  

Þórunn og Kinan hafa þegar tekið til starfa, við undirbúning móttöku flóttafólks til Blönduóss, og munu á næstu dögum verða í sambandi við alla þá sem koma þurfa að þessum málum.

15. maí n.k., munu koma 3 fjölskyldur flóttafólks til Blönduóss, samtals 15 manns og síðan ein  6m fjölskylda u.þ.b. mánuði síðar, eða samtals 21 aðilar og þar af eru 13 börn frá  3 – 15 ára.  

F.h Blönduósbæjar

Valdimar O Hermannsson 

Var efnið á síðunni hjálplegt?