Sérstakur íþrótta- og tómstundastyrkur til barna frá tekjulágum heimilum-framlengdur umsóknarfrestur er til 15.apríl n.k.
Blönduósbær greiðir út styrki vegna íþrótta- og tómstundaiðkunar barna frá tekjulágum heimilum. Styrkurinn, sem kemur frá félagsmálaráðuneytinu, er allt að 45.000 kr fyrir hvert barn og er sótt um styrkinn á Ísland.is.
Meðal aðgerða stjórnvalda vegna Covid-19 faraldursins er styrkur sem hægt er að sækja um til sveitarfélaga vegna íþrótta- og tómstundastarfs barna. Styrkurinn er veittur vegna barna sem eru fædd á árunum 2005-2014 og búa á heimilum þar sem heildartekjur framfærenda, einstaklings, hjóna eða sambúðarfólks, voru að meðaltali lægri en 740.000 kr á mánuði á tímabilinu mars-júlí 2020.
Styrkurinn er allt að 45.000 kr fyrir hvert barn.
Á barnið þitt rétt á styrk?
Á Ísland.is má sjá hvort barn á rétt á þessum styrk, þar sést hvort heimilið fellur undir viðmið um tekjur á tímabilinu mars-júlí 2020 eins og fram kemur hér ofar. Nota þarf rafræn skilríki til að skrá sig inn á Ísland.is.
Ef barnið á rétt á styrknum þurfa foreldrar eða forráðamenn (með sama lögheimili og barnið) að sækja um greiðslu á styrknum í gegnum sérstakt umsóknareyðublað. Aðgangur að umsóknareyðublaðinu opnast eftir að jákvætt svar hefur fengist á Ísland.is um rétt til styrks og er sótt um styrkinn í framhaldi af því á Ísland.is, ekki er hægt að finna umsóknina með öðrum leiðum.
Blönduósbær sér svo um að greiða út styrkina til umsækjenda á Blönduósi sem falla undir skilyrðin skv. beiðni frá félagsmálaráðuneytinu.
Fréttatilkynningu frá félagsmálaráðuneyti um styrkina má finna með því að smella hér. Að neðan má finna hlekk á auglýsingu sem gerð hefur verið til að benda íbúum á styrkina.
Auglýsing um sérstaka frístundastyrki.
Skilyrði fyrir greiðslu styrks
- Umsókninni þarf að fylgja reikningur frá íþrótta- eða tómstundafélagi sem sýnir að barnið sé skráð á námskeið.
- Endurgreiðsla verður að hámarki 45.000 krónur fyrir hvert barn og er opið fyrir umsóknir til 15. apríl 2021.
- Styrk skal greiða vegna útlagðs kostnaðar við íþrótta- og tómstundastarf á skólaárinu 2020- 2021, allt að 45.000 kr. fyrir hvert barn.
- Íþrótta- og tómstundastyrkir eru veittir vegna þátttöku í skipulögðu íþrótta- og tómstundastarfi. Ekki er heimilt að nýta íþrótta- og tómstundastyrk til greiðslu á tækjum, búnaði, fatnaði og ferðum.
Information on the grant for sports and leisure activities in other languages