15.11.2018 - Byggðaráð Blönduósbæjar

Sigrún Hauksdóttir, aðalbókari Blönduósbæjar mætti undir þessum lið.

Umræður urðu um fjárhagsáætlun 2019. Farið var yfir tekjuhlið fjárhagsáætlunar og byrjað að fara yfir einstaka málaflokka.

Ágúst Þór mætti á fundinn kl. 17:30 og farið var yfir drög að framkvæmdaráætlun ásamt áframhaldandi yfirferð á gjaldskrám.

Ágúst Þór vék af fundi kl. 18:00

Haldið áfram umræðum um fjárhagsáætlun 2019.

Frá árinu 1990 hefur Landgræðsla ríkisins verið í samstarfi við fjölmarga bændur um uppgræðslu á gróðursnauðum svæðum í heimalöndum þeirra í verkefninu "Bændur græða landið".
Í Blönduósbæ voru 5 þátttakendur í verkefninu árið 2018. Þeir báru 10,8 tonn af áburði á um 55 hektara lands.

Landgræðslan fer þess á leit við Blönduósbæ um fjárstuðning vegna ársins 2018 að upphæð 30.000 kr.

Byggðaráð samþykkir 30.000 kr sem færist á 1189 - 9919.

Jólasjóður A-Hún óskar eftir fjárstuðningi vegna jóla 2018, sjóðnum er ætlað að styrkja bágstadda einstaklinga og fjölskyldur hér á svæðinu fyrir jólin.
Sjóðurinn er eingöngu byggður upp á gjafafé og styrkjum frá félögum, bæjarfélögum og einstaklingum.

Byggðaráð samþykkir 100.000 kr. styrk sem færist á 0285 - 9919

Karlakór Bólstaðarhlíðarhrepps óskar eftir styrk til starfsins frá sveitarfélaginu, líkt og hefur verið á liðnum árum, en kórinn hefur unnið öflugt starf.

Byggðaráð samþykkkir 50.000 kr. styrk sem færist á 0589 - 9919

Reikningsskila- og upplýsinganefnd hefur það hlutverk í sveitarstjórnarlögum að stuðla að samræmingu í reikningsskilum sveitarfélaga og öðrum fjárhagslegum ráðstöfunum þeirra.

Lagt fram tilkynningar.