10.12.2018 - Skipulags-, umhverfis- og umferðarnefnd Blönduósbæjar

49. fundur 10. desember 2018 kl. 16:00 - 17:15 í fundarsal að Hnjúkabyggð 33
Nefndarmenn
  • Zophonías Ari Lárusson formaður
  • Atli Einarsson aðalmaður
  • Anna Margret Sigurðardóttir aðalmaður
  • Jón Örn Stefánsson aðalmaður
  • Hjálmar Björn Guðmundsson varamaður
  • Ágúst Þór Bragason yfirmaður tæknideildar
  • Þorgils Magnússon byggingafulltrúi
Fundargerð ritaði: Ágúst Þór Bragason
Dagskrá

1.Brautarhvammur - Umsókn um skipulag

1812004

Erindi frá Blöndu ehf. Umsókn um minniháttar breytingu á deiliskipulaginu í Brautarhvammi. Breytingin felur í sér að lóð fyrir þjónustuhús er breytt og lóðin stækkar úr 1116m2 í 1262m2. Byggingarreit á lóðinni er breytt og leyfilegt byggingarmagn á reitnum aukið úr 120m2 í 400m2. Þá eru 8 bílastæðum við þjónustuhúsið bætt við. Breytingin er gerð vegna aukinnar eftirspurn eftir gistingu á svæðinu og hefur ekki áhrif á aðra en umsækjanda og sveitarfélagið. Meðfylgjandi eru breytingaruppdráttur unnin af Landmótun dags. 30.11.2018 og teikning af sambærilegu húsi sem áætlað er að rísi á reitinn.
Zophonías Ari Lárusson vek af fundi við umræðu og afgreiðslu erindins vegna skyldleika. Nefndin samþykkir óverulega breytingu á deiliskipulaginu í Brautarhvammi. Þessi breyting er gerð skv. 43. grein skipulagslaga nr. 123/2010. Nefndin telur að ekki þurfi að grendarkynna breytinguna í samræmi við 3. málsgrein í grein nr. 44. í skipulagslögum þar sem hún varðar ekki hagsmuni annarra en umsækjanda og sveitarfélagsins.
Nefndin vekur athygli á að breyting á skipulagi er á kostnað umsækjanda.

2.Móberg land - staðfesting landamerkja

1812005

Erindi frá Björg Einarsdóttur,umsókn um staðfestingu á afmörkun og stærð fyrir Móberg land. Lóðin er 811,4 m2 að stærð. Afstöðuuppdráttur gerður á Stoð ehf. verkfræðistofu af Braga Þór Haraldssyni. Númer uppdráttar er S01 í verki nr. 782101 dags. 12. apríl 2018. Fyrir liggur samþykki aðliggjandi landeiganda.
Nefndin staðfestir stærð og afmörkun fyrir lóðina.

3.Markviss - Umsókn um framkvæmdaleyfi

1707023

Erindi frá Skotfélaginu Markviss.
Umsókn um framkvæmdaleyfi, um er að ræða 300 metra riffilbraut, bogfimibraut og Trapvöll á skotsvæði félagsins. Meðfylgjandi er uppdráttur gerður af Birni Magnúsi Árnasyni hjá Stoð ehf, númer uppdráttar er S-03, dagsett 12.september 2017.
Nefndin samþykkir að leggja til við sveitarstjórn að heimila skipulagsfulltrúa að afgreiða framkvæmdaleyfi vegna umsóknarinnar enda fellur leyfið að öllu leiti að gildandi aðal- og deiliskipulagi svæðisins. Við afgreiðslu skipulagsfulltrúa á umsókninni skal leita álits Skipulagsstofnunar um það hvort framkvæmdin sé matsskyld eða ekki samkvæmt lögum nr. 106/2000 áður en leyfið verður gefið út.

4.Húnabær - Nýtt iðnaðarhús

1703022

Skipulagsfulltrúi leggur fram lóðarblöð vegna nýs athafnarhúsnæðis við Húnabæ.
Nefndin samþykkir lóðarblöð fyrir Húnabæ 2 og Húnabæ 4.

Fundi slitið - kl. 17:15.

Var efnið á síðunni hjálplegt?