25. fundur 06. júní 2016 kl. 17:00 í fundarsal að Hnjúkabyggð 33
Nefndarmenn
  • Valgarður Hilmarsson forseti
  • Guðmundur Haukur Jakobsson aðalmaður
  • Zophonías Ari Lárusson aðalmaður
  • Anna Margrét Jónsdóttir 1. varaforseti
  • Hörður Ríkharðsson aðalmaður
  • Oddný María Gunnarsdóttir 2. varaforseti
  • Sindri Páll Bjarnason aðalmaður
  • Arnar Þór Sævarsson sveitarstjóri
Starfsmenn
  • Þórður Pálsson ritari
Dagskrá

1.Ársreikningur 2015 - fyrri umræða

1606001

Ársreikningur Blönduósbæjar 2015 tekinn til fyrri umræðu. Forseti bauð velkomin á fundinn Þorstein G. Þorsteinsson, frá KPMG, endurskoðanda Blönduósbæjar og Jens P. Jensen, aðalbókari Blönduósbæjar. Þorsteinn fór yfir ársreikninginn og útskýrði helstu liði hans. Helstu tölur úr ársreikningi eru þessar: Rekstrartekjur eru 841,0 milljónir króna en fjárhagsáætlun með viðaukum gerði ráð fyrir tekjum upp á 827,5 milljónir króna. Rekstargjöld voru 781,1 milljónir króna, fjármagnsgjöld voru 42,6 milljónir króna og niðurstaða úr rekstri er tap A og B hluta uppá 34,0 milljónir króna en fjárhagsáætlun með viðaukum gerði ráð fyrir hagnaði uppá 8,0 milljónir króna. Eigið fé Blönduósbæjar í árslok 2015 nam 572,3 milljónum króna.



Almennar umræður og fyrirspurnir urðu um reikninginn. Að því loknu var samþykkt að vísa ársreikningi Blönduósbæjar 2015 til síðari umræðu á næsta fundi sveitarstjórnar.



Hér viku Þorsteinn og Jens af fundi.

2.Skipulags-, umhverfis- og umferðarnefnd Blönduósbæjar - 20

1605007F

Fundargerð 20. fundar Skipulags-, umhverfis- og umferðarnefndar Blönduósbæjar lögð fram til afgreiðslu á 25. fundi

sveitarstjórnar eins og einstök erindi bera með sér. Valgarður Hilmarsson, forseti sveitarstjórnar kynnti fundargerðina. Liðir 2.1, 2.2, 2.3 og 2.4 þarfnast sérstakrar afgreiðslu, fundargerðin að öðru leyti lögð fram til kynningar.

  • 2.1 1510051 Smáhýsi á lóðinni Blöndubyggð 9 á Blönduósi
    Skipulags-, umhverfis- og umferðarnefnd Blönduósbæjar - 20 Nefndin samþykkir byggingaráformin með fyrirvara um niðurstöður grenndarkynningar sem taki til Blöndubyggðar 11, 13, og 14. Bókun fundar Afgreiðsla 20. fundar Skipulags-, umhverfis- og umferðarnefndar Blönduósbæjar staðfest á 25. fundi sveitarstjórnar 6. júní 2016 með 7 atkvæðum.
  • 2.2 1605034 Skipulagsstofnun - Beiðni um umsögn um uppsetningu á brennslubúnaði.
    Skipulags-, umhverfis- og umferðarnefnd Blönduósbæjar - 20 Í samræmi við 6. gr. laga nr. 106/2000 hefur Blönduósbær farið yfir tilkynningu SAH afurða ehf. sem framkvæmdaraðila vegna uppsetningar á brennsluofni til eyðingar á áhættuvefjum í sláturúrgangi. Niðurstaða Blönduósbæjar er að brennsla áhættuvefja sé ekki líkleg til að hafa í för með sér umtalsverð umhverfisáhrif, sbr. viðmið í 2. viðauka laga nr. 106/2000 og skuli því ekki háð mati á umhverfisáhrifum, enda sé þar aðeins brennt áhættuvefjum. Blönduósbær telur að greinargóðar upplýsingar framkvæmdaraðila séu fullnægjandi til rökstuðnings þessarar niðurstöðu.
    Framkvæmdin er háð byggingarleyfi sbr. lög um mannvirki nr. 160/2010 og byggingarreglugerð nr. 112/2012.     Bókun fundar Afgreiðsla 20. fundar Skipulags-, umhverfis- og umferðarnefndar Blönduósbæjar staðfest á 25. fundi sveitarstjórnar 6. júní 2016 með 7 atkvæðum.
  • 2.3 1605037 Blanda ehf. - Umsókn um stöðuleyfi
    Skipulags-, umhverfis- og umferðarnefnd Blönduósbæjar - 20 Nefndin samþykkir stöðuleyfi fyrir þrjá gistibragga í Brautarhvammi til eins árs frá 15. júní 2016.
    Staðsetning skal háð samþykki byggingarfulltrúa og samþykkt lóðarhafa.     Bókun fundar Afgreiðsla 20. fundar Skipulags-, umhverfis- og umferðarnefndar Blönduósbæjar staðfest á 25. fundi sveitarstjórnar 6. júní 2016 með 6 atkvæðum. ZAL vék af fundi undir þessum lið.
  • 2.4 1605035 Brekkubyggð 4 -Umsókn um byggingarleyfi
    Skipulags-, umhverfis- og umferðarnefnd Blönduósbæjar - 20 Nefndin samþykkir byggingaráformin. Bókun fundar Afgreiðsla 20. fundar Skipulags-, umhverfis- og umferðarnefndar Blönduósbæjar staðfest á 25. fundi sveitarstjórnar 6. júní 2016 með 6 atkvæðum. HR vék af fundi undir þessum lið.

Fundi slitið.

Til baka
Var efnið á síðunni hjálplegt?