16.11.2021 - Sveitarstjórn Blönduósbæjar

2110002F

• 1.1 2108001 Fjárhagsáætlun 2022
  Byggðaráð Blönduósbæjar - 198 Sigríður Helga Sigurðardóttir leikskólastjóri, gerði grein fyrir fram lagðri starfsáætlun og fleiri gögnum sem liggja til grundvallar fyrir fjárhagsáætlun 2022 er varðar leikskólann Barnabæ. Einnig gerði Þórhalla Guðbjartsdóttir skólastjóri grein fyrir fram lagðri starfsáætlun fyrir Blönduskóla, ásamt skóladagheimili og fleiri gögnum um m.a. tölvu og tæknimál og varða fjárhagsáætlun 2022. Umræður urðu um fram lögð gögn og starfsemi í bæði leikskóla og grunnskóla.
• 1.2 2110025 Sýslumaðurinn á Norðurlandi vestra
  Byggðaráð Blönduósbæjar - 198 Byggðaráð samþykkir að fella niður og afskrifa þing- og sveitarsjóðagjöld að upphæð samtals kr. 9.920.445- samkvæmt afskriftarbeiðni sem liggur fyrir fundinum. Málið fært í trúnaðarmálabók. Samþykkt með 3 atkvæðum. Bókun fundar Afgreiðsla byggðaráðs staðfest af sveitarstjórn með 7 atkvæðum samhljóða.
• 1.3 2110021 Erindi frá Leikfélagi Blönduóss
  Byggðaráð Blönduósbæjar - 198 Byggðaráð hefur skilning á að bæta þurfi aðstöðu fyrir Leikfélagið og fleiri menningarviðburði í Félagsheimilinu, og vísar erindinu til frekari skoðunnar og kostnaðarmats fyrir framkvæmda- og fjárhagsáætlun árið 2022.
• 1.4 2110026 Leikfélag Blönduóss - umsókn um styrk úr bæjarsjóði Blönduósbæjar
  Byggðaráð Blönduósbæjar - 198 Byggðaráð vísar umsókn um styrk, (fyrir leikárið 2022) til vinnu við fjárhagsáætlun 2022, og sveitarstjóra falið að afla frekari upplýsinga.
• 1.5 2110027 Ungmennafélagið Hvöt
  Byggðaráð Blönduósbæjar - 198 Byggðaráð þakkar brýningu frá stjórn Knattspyrnudeildar Hvatar, er varðar endurbætur á sparkvelli, og ítrekar að endurbætur verði settar í forgang í framkvæmda- og fjárhagsáætlun fyrir árið 2022.
• 1.6 2110029 Samgöngu- og sveitarstjórnarráðuneytið
  Byggðaráð Blönduósbæjar - 198 Nýjar leiðbeiningar varða ritun fundargerða, leiðbeiningar um fjarfundi og fyrirmynd af samþykkt um stjórn sveitarfélags. Lagt fram til kynningar en sveitarstjóra falið að vinna áfram að því að uppfæra samþykktir og kynna breytingar eftir því sem við á.
• 1.7 2110031 Samgöngu- og sveitarstjórnarráðuneytið
  Byggðaráð Blönduósbæjar - 198 Lagt fram til kynningar.
• 1.8 2110032 Samband íslenskra sveitarfélaga
  Byggðaráð Blönduósbæjar - 198 Byggðaráð og sveitarstjórn hafði áður skuldbundið sig til þess að taka þátt í samstarfi sveitarfélaga um stafræna umbreytingu, sem mun skila sér síðar í sameiginlegum úrlausnum í stafrænni umbreytingum á næstu árum. Kostnaðarhlutdeild Blönduósbæjar fyrir árið 2022, að upphæð kr. 770.341- er vísað til fjárhagsáætlunarvinnu 2022.
• 1.9 2110033 Samgöngu- og sveitarstjórnarráðuneytið
  Byggðaráð Blönduósbæjar - 198 Lagt fram til kynningar, og skrifstofu- og fjármálastjóra falið að vinna málið áfram með endurskoðendum.
• 1.10 2110034 Sveitarfélagið Skagafjörður
  Byggðaráð Blönduósbæjar - 198 Byggðaráð tekur jákvætt í að erindið verði skoðað frekar, náist samstaða um það, en vísar endanlegri ákvörðun til sveitarstjórnar Blönduósbæjar. Sveitarstjóra falið að vinna málið áfram og afla frekari upplýsinga.
• 1.11 2110028 Markaðsstofa Norðurlands - fundargerð
  Byggðaráð Blönduósbæjar - 198 Lagt fram til kynningar.
• 1.12 2110030 Samband sveitarfélaga á Norðurlandi - fundargerð
  Byggðaráð Blönduósbæjar - 198 Lagt fram til kynningar.

2110006F

• 2.1 2108001 Fjárhagsáætlun 2022
  Byggðaráð Blönduósbæjar - 199 Katharina Schneider forstöðumaður Héraðsbókasafns A-Hún., fór yfir starfsáætlun 2022 og helstu áherslur sem þar koma fram.
  Sigríður Hrönn Bjarkadóttir, forstöðumaður félagsstarfs aldraðra, fór yfir starfsáætlun 2022 og helstu áherslur sem þar koma fram, en einnig var rætt um aðstöðu og húsnæði fyrir félagsstarfið í bráð og lengd.
  Kristín Ingibjörg Lárusdóttir, Menningaar- íþrótta- og tómstundafulltrúi Blönduósbæjar fór yfir starfsáætlanir fyrir þá starfsemi sem undir hana heyra, svo sem Skjólið, Húnavaka, 17. júní, Sumarfjörið, Menningarmál, og íþrótta- og tómstundamál. Þá lagði hún fram lista yfir þau atriði sem hún leggur áherslu á og varða fjárhagsáætlun 2022. Ágúst Þór Bragason, forstöðumaður eigna- og framkvæmdasviðs fór yfir nokkur áhersluatriði sem byggðaráð þarf að taka til athugunnar, svo sem málefni hafnar, ofl.þ.h. Einnig atriði sem varða aðrar deildir.
  Sigrún Hauksdóttir, skrifstofu- og fjármálastjóri fór yfir málefni bæjarskrifstofu, ásamt umsóknir um styrki fyrir árið 2022, samanburð á gjaldskrám við önnur sveitarfélög, Sérstakan húsnæðisstuðning, og yfirlit/tillögur um skatta og gjöld 2022.
• 2.2 2009034 Blönduósbær - Sala eigna
  Byggðaráð Blönduósbæjar - 199 Sveitarstjóri ásamt forstöðumanni eigna- og framkvæmdasviðs fóru yfir stöðu mála er varðar mögulega sölu eigna/íbúða sem eru í eigu sveitarfélagsins. Lagt er til að Skúlabraut 23 verði sett á sölu á þessu ári, en hún er að losna eftir langtímaleigu. Byggðaráð samþykkir að íbúðin að Skúlabraut 23 verði sett í söluferli. Bókun fundar Afgreiðsla byggðaráðs staðfest af sveitarstjórn með 7 atkvæðum samhljóða.

2110008F

• 3.1 2108001 Fjárhagsáætlun 2022
  Byggðaráð Blönduósbæjar - 200 Snorri Snorrason, staðgengill forstöðumanns íþróttamiðstöðvar, kom inná fundinn undir þessum lið og fór m.a. yfir starfsáætlun 2022, ásamt öðrum gögnum sem lágu fyrir fundi. Þá var rætt um óskir um framkvæmdir/viðhald og annað sem tengist rekstri starfseminnar. Ágúst Þór Bragason, forstöðumaður eigna- og framkvæmdasviðs fór yfir helstu framkvæmdir sem þyrfti að skoða á næsta ári, ásamt áætluðum kostnaði við þær. Rætt var um forgangsröðun framkvæmda og hvaða upplýsingar þyrfti til að ákveða hana.
  Sigrún Hauksdóttir, skrifstofu- og fjármálastjóri fór yfir stöðuna á vinnu við fjárhagsáætlun 2022, og hvernig henni yrði háttað á næstu vikum með byggðaráði ofl.
• 3.2 2110035 Uppgjör sameiningarkosninga
  Byggðaráð Blönduósbæjar - 200 Í uppgjörinu kemur fram að halli á verkefninu er samtals kr.3.438.926- og fáist ekki framlög uppí það þá væri hlutur Blönduósbæjar að upphæð kr. 1.734.066-, og er því þá vísað til viðauka 2, við fjárhagsáætlun 2021.
• 3.3 2006010 Samantekt og samanburður á lausnum í úrgangsmálum sveitarfélaga í Húnavatnssýslum
  Byggðaráð Blönduósbæjar - 200 Lagt fram til kynningar, en málið var áður á dagskrá á 167. fundi byggðaráðs, 21. júlí 2020, þar sem samþykkt var að taka þátt í verkefninu, verði það samþykkt einnig hjá öðrum sveitarfélögum í Húnavatnssýslum. Sveitarstjóra falið að vinna áfram að málinu og upplýsa byggðaráð um stöðuna, þegar kemur að framkvæmd og skiptingu á kostnaði.
• 3.4 2110036 Ágóðahlutagreiðsla 2021
  Byggðaráð Blönduósbæjar - 200 Lagt fram til kynningar og byggðaráð fagnar fengnum arði af starfsemi EBÍ.
• 3.5 2110018 Skólamatur og skólamötuneyti
  Byggðaráð Blönduósbæjar - 200 Tvö tilboð bárust og samþykkir byggðaráð að taka tilboði lægst bjóðanda sem er frá Himinn sól ehf. og mun verða gerður samningur á þeim forsendum. Bókun fundar Afgreiðsla byggðaráðs staðfest af sveitarstjórn með 7 atkvæðum samhljóða.

2111002F

• 4.1 2108001 Fjárhagsáætlun 2022
  Byggðaráð Blönduósbæjar - 201 Sveitarstjóri fór yfir uppfært fundarplan vegna fjárhagsáætlunarvinnu, og afgreiðslu á tillögu um sameiningu Húnavatnshrepps og Blönduósbæjar sem báðar þurfa tvær umræður. Sigrún Hauksdóttir, skrifstofu- og fjármálastjóri gerði grein fyrir stöðunni á vinnu við fjárhagsáætlun 2022 og það sem eftir væri að taka fyrir til afgreiðslu byggðaráðs. Þá fór Ágúst Þór Bragason forstöðumaður eigna- og framkvæmdasviðs yfir tillögu að áætluðum framkvæmdum, og urðu umræður um mögulega forgangsröðun þeirra.
• 4.2 2004018 Sýslumaðurinn á Norðurlandi vestra - Beiðni um afskriftir
  Byggðaráð Blönduósbæjar - 201 Byggðaráð samþykkir að fella niður og afskrifa þing- og sveitarsjóðsgjöld að upphæð kr. 155.948- samkvæmt afskriftarbeiðni sem liggur fyrir fundinum.
  Málið fært í trúnaðarmálabók. Samþykkt með 3 atkvæðum. Bókun fundar Afgreiðsla byggðaráðs staðfest af sveitarstjórn með 7 atkvæðum samhljóða.
• 4.3 2111011 Húsnæðis- og mannvirkjastofnun - Stofnframlög 2. úthlutun 2021 - umsóknarfrestur framlengdur
  Byggðaráð Blönduósbæjar - 201 Byggðaráð og sveitarstjórn hafði áður samþykkt stofnframlög fyrir allt að 5 íbúðum af 8 í fyrri áfanga bygginga allt að 16 íbúða í tveimur áföngum við Hnjúkabyggð, með fyrirvara um jákvæða afgreiðslu Húsnæðis- og mannvirkjastofnunar - HMS.
  Sveitarstjóri fór yfir stöðu málsins og hvaða möguleikar væru nú í boði.
  Lagt fram til kynningar en vísað til sveitarstjórnar til ákvörðunar. Bókun fundar Sveitarstjórn samþykkir að leggja inn umsókn um stofnframlög vegna 2. úthlutunar 2021 hjá HMS.
• 4.4 2111004 Smárabraut 18-20 - Umsókn um lóð
  Byggðaráð Blönduósbæjar - 201 Byggðaráð samþykkir úthlutun á lóðinni að Smárabraut 18 - 20, til Blöndu ehf., samkvæmt tillögu frá skipulags- umhverfis- og umferðarnefnd.
• 4.5 2111009 Minningardagur um þá sem hafa látist í umferðarslysum
  Byggðaráð Blönduósbæjar - 201 Lagt fram til kynningar.
• 4.6 2111006 Hafnarsamband Íslands - Fundargerð 438. fundar stjórnar
  Byggðaráð Blönduósbæjar - 201 Lagt fram til kynningar.
• 4.7 2111007 Markaðsstofa Norðurlands - Starf Flugklasans Air 66N 9. apríl - 26. október 2021
  Byggðaráð Blönduósbæjar - 201 Lagt fram til kynningar.
• 4.8 2111008 Samband íslenskra sveitarfélaga - Fundargerð 902. fundar stjórnar
  Byggðaráð Blönduósbæjar - 201 Lagt fram til kynningar.
• 4.9 2111010 SSNV - Fundargerð 70. fundar stjórnar
  Byggðaráð Blönduósbæjar - 201 Lagt fram til kynningar.

2111001F

• 5.1 2111002 Efstabraut 3, nýtt lóðarblað
  Skipulags-, umhverfis- og umferðarnefnd Blönduósbæjar - 76 Nefndin samþykkir lóðarblaðið.
• 5.2 2111003 Umsókn á tæknisviði
  Skipulags-, umhverfis- og umferðarnefnd Blönduósbæjar - 76 Nefndin samþykkir umsóknina.
• 5.3 2111004 Smárabraut 18-20 - Umsókn um lóð
  Skipulags-, umhverfis- og umferðarnefnd Blönduósbæjar - 76 Zophonías Ari Lárusson vék af fundi við umræður og afgreiðslu þessa liðar. Lóðirnar eru skipulagðar sem einbýlishúsalóðir en hægt er að gera óverulega breytingu á skipulagi lóðanna þar sem byggingarmagn fer ekki upp fyrir það sem kemur fram í skipulagi. Grenndarkynna þarf breytinguna fyrir eftirfarandi húsum Smárabraut 19-27 og Sunnubraut 21-25. Umsækjandi er eigandi samliggjandi lóðar við Smárabraut 16. Erindinu er vísað til afgreiðslu byggðaráðs.
• 5.4 2111001 Þverárfjallsvegur - vinnubúðir, umsókn um stöðuleyfi
  Skipulags-, umhverfis- og umferðarnefnd Blönduósbæjar - 76 Nefndin samþykkir staðsetningu og stöðuleyfi á vinnubúðunum fyrir sitt leyti.
• 5.5 2111005 Húnabraut 6 - Umsókn um tilkynnta framkvæmd
  Skipulags-, umhverfis- og umferðarnefnd Blönduósbæjar - 76 Nefndin samþykkir erindið.
• 5.6 1903009 Aðalskipulagsbreyting vegna íbúðabyggðar
  Skipulags-, umhverfis- og umferðarnefnd Blönduósbæjar - 76 Nefndin hefur áður samþykkt breytingartillöguna og felur skipulagsfulltrúa að ganga frá málinu skv. skipulagslögum. Deiliskipulag af svæðinu verður auglýst samhliða aðalskipulagsbreytingunni.
• 5.7 1810031 Deiliskipulag á nýjum íbúðarlóðum
  Skipulags-, umhverfis- og umferðarnefnd Blönduósbæjar - 76 Nefndin hefur áður samþykkt deiliskipulagið eins og það liggur fyrir og felur skipulagsfulltrúa að auglýsa það skv. 41. gr. skipulagslaga nr. 123/2010. Samhliða auglýsingu á deiliskipulagstillögunni er auglýst breyting á aðalskipulagi Blönduóss 2010-2030.
  
  
• 5.8 2011023 Blönduósbær - Skógrækt
  Skipulags-, umhverfis- og umferðarnefnd Blönduósbæjar - 76 Nefndin leggur til að skipulegga allt að 100 ha. af landi Ennis undir skógrækt.
• 5.9 2110007F Afgreiðslufundur byggingarfulltrúa - 26
  Skipulags-, umhverfis- og umferðarnefnd Blönduósbæjar - 76 Afgreiðslufundur lagður fram til kynningar.