Hrútey

Hrútey varð opinn skógur árið 2003. 

Hrútey er í alfaraleið við þjóðveg nr. 1. Góð bifreiðastæði eru við árbakkann og traust göngubrú út í eyjuna. Hrútey er tilvalin sem útivistar- og áningarstaður. Þar eru góðir göngustígar og rjóður með bekkjum og borðum. Þá er stutt til sjávar frá Hrútey eftir göngustíg meðfram ánni. Gestum er bent á að fara um með sérstakri gát við árbakkana. Tjaldsvæði eru skammt frá Hrútey og stutt í fjölbreytta þjónustu í Blönduósbæ.

Hrútey var friðuð sem fólkvangur árið 1975. Svæðið er opið öllum almenningi en fylgja ber reglum um umferð og afnot. Hrútey er friðuð fyrir allri umferð frá 20. apríl til 20. júní vegna varps fugla, einkum gæsa.

Nánari upplýsingar um Hrútey má finna inn á www.skog.is

Var efnið á síðunni hjálplegt?