Myndin sem er hér neðst í fréttinni er af þeim fjórum merkjum sem keppa um að verða nýtt byggðarmerki Húnabyggðar.
Hér er hægt að sjá texta höfunda sem fylgir merkjunum.
Það bárust í allt 50 mismunandi tillögur frá 29 hönnuðum og við þökkum öllum þeim sem tóku þátt kærlega fyrir skemmtilegar og fallegar tillögur.
Ákveðið hefur verið að gefa öllum íbúum Húnabyggðar kost á því að taka þátt í þessu vali í skoðanakönnun.
Athugið að þessi könnun er einungis fyrir þá sem hafa lögheimili í Húnabyggð og hver aðili má einungis taka þátt einu sinni.
Vinsamlegast ýtið á hlekkinn hér fyrir neðan til að taka þátt í rafrænni skoðanakönnun:
Rafræn skoðanakönnun um byggðarmerki Húnabyggðar
Frá og með miðvikudeginum 9. nóvember verður einnig hægt að koma á skrifstofu sveitarfélagsins að Hnjúkabyggð 33 og taka þátt í könnuninni. Skrifstofa Húnabyggðar er opin alla virka daga frá kl. 9:00-15:00. Könnuninni líkur formlega að kvöldi þriðjudagsins 15. nóvember en þá verður haldinn opinn íbúafundur í Félagsheimilinu á Blönduósi þar sem hægt verður að taka þátt í könnuninni. Við ætlum einnig að leyfa yngri íbúum sveitafélagsins að taka þátt og grunnskólinn okkar mun hjálpa okkur með það.
Við viljum hvetja ykkur öll að taka þátt!
