Dreifnám 

Heimilisfang: Húnabraut 4, eh. 540 Blönduós
Netfang: fnv@fnv.is
Heimasíða: www.fnv.is
Umsjónarmaður: Lee Ann Maginnis, lee@fnv.is

Fjölbrautarskóli Norðurlands vestra starfrækir framhaldsdeild á Blönduósi.

Nemendur geta stundað dreifnám við FNV frá Blönduósi. Markmiðið er að nemendur geti lokið almennum greinum iðnbrauta og kjarnagreinum stúdentsbrauta í heimabyggð. Nemendur í dreifnámi taka þátt í öllum helstu viðburðum og ferðalögum á vegum skólans. 

Nemendur í dreifnámi eru hluti af nemendahópum í FNV. Öll kennsla fer fram gegnum fjarfundabúnað frá Sauðárkróki og eru kennarar staðsettir þar.  Kennarar setja inn efni á samskiptavefinn Moodle og nemendur skila verkefnum og sumum prófum þar í gegn. Nemendur í dreifnámi taka öll próf á Blönduósi. 

Nemendur dreifnáms mæta í upphafi annar í skólann á Sauðárkróki og hitta kennara og stjórnendur. Alls eru 3-4 staðlotur á hverri önn, vika í senn. Staðloturnar eru mikilvægar, en markmiðið með þeim er að tengja saman nemendur og kennara. Auk þess hafa nemendur þá tækifæri til að taka þátt í félagslífi í stærra skólaumhverfi. Viðburðir hjá nemendafélaginu ráðast af dagsetningum staðlotanna, þannig að nemendur dreifnáms nái að taka þátt í stærstu viðburðum vetrarins. Ferðatilhögun hefur verið á þann veg að nemendur koma með strætó á sunnudagskvöldi og eru á heimavist FNV í fæði og húsnæði og fara svo einnig til baka með strætó á föstudegi eða laugardegi eftir atvikum. Á þessum dögum taka nemendur þátt í hefðbundnum kennslustundum, en geta auk þess nýtt sér þjónustu kennara í verkefnavinnu og einnig nota kennarar þessa tíma ef um verklega þætti er að ræða eða annarskonar vinnu sem betra er að hafa nemendur á staðnum.

 

 

 

 

 

 

Var efnið á síðunni hjálplegt?