Yfirlit frétta

Á fundi menningar,- tómstunda- og íþróttanefndar Blönduósbæjar sl. þriðjudag kom fram að sveitarfélagið hefur hafið ferlið að því að verða Heilsueflandi samfélag. Málið var kynnt fyrir nefndinni sem fagnaði þessu jákvæða skrefi, að því er segir í fundargerð.

Í kjölfar óveðursins sem gekk yfir nú í desember hyggst Blönduósbær safna saman upplýsingum um tjón í sveitarfélaginu, svo sem, búfjár-, eigna-, og girðingatjón. Einnig er óskað eftir upplýsingum um rafmagns- og fjarskiptaleysi, ásamt öðru sem þið teljið að koma þurfi fram.

Blönduósbær vill vekja athygli íbúa á að snjóhengjur í brekkunum geta verið varasamar og eru foreldrar beðnir um að brýna fyrir börnum að það er hátt fall niður þar sem þær eru og eins geta snjóhengjurnar skriðið niður og valdið hættu. Förum því varlega í kringum þau svæði.

Unnið hefur verið að því síðustu daga að moka snjó af götum bæjarins eftir mikið fannfergi í óveðrinu í síðustu viku. Sem stendur eru 3-4 tæki í snjómokstri fyrir Blönduósbæ. Búið er að hreinsa að mestu allar aðalleiðir og breikka.

Sveitarstjórn Blönduósbæjar bókaði eftirfarandi á 73. fundi, sem haldinn var 17. desember sl. Björgunarfélagið Blanda hefur unnið þrekvirki síðastliðna viku við að aðstoða íbúa og stofnanir sveitarfélagsins sem og í nágrannasveitarfélögum, við mjög erfiðar aðstæður.

Sveitarstjórn Blönduósbæjar bókaði eftirfarandi á 73. fundi, sem haldinn var 17. desember sl. Sveitarstjórn Blönduósbæjar tekur heilshugar undir bókanir frá nágrannasveitarfélögum, þar sem lýst er yfir miklum áhyggjum yfir því að fjölmargir innviðir samfélagsins hafi brugðist í því veðuráhlaupi sem gekk yfir landið í síðustu viku, sérstaklega er varðar raforkuöryggi, fjarskipti, mönnun og undirbúning grunnstofnana samfélagsins, en í bókun Húnaþings vestra segir m.a.:

Samráðshópur um áfallahjálp í Húnavatnssýslum kom saman til fundar mánudaginn 16. desember 2019 í kjölfar óveðurs og rafmagnsleysis í héraðinu. Í hópnum sitja fulltrúar RKÍ, þjóðkirkju, félagsþjónustu, heilsugæslu og lögreglu.

Fjárhagsáætlun 2020, ásamt þriggja ára áætlun 2021 – 2013, var samþykkt samhljóða á 73. fundi sveitarstjórnar Blönduósbæjar í gær 17. des.´19.

Óskað er eftir tilnefningu á tveimur fulltrúum og tveimur til vara, á aldrinum 16 – 25 ára, í ungmennaráð Blönduósbæjar. Óskað er eftir að tilnefningar, með nöfnum, berist eigi síðar en 20. desember 2019., á netfangið blonduos@blonduos.is Æskilegt er að tilnefningar séu af báðum kynjum.

ATHUGIÐ: RAUÐ VIÐVÖRUN Almannavarnarnefndir Skagafjarðar og Húnavatnssýslna hefur lokið fundi vegna yfirvofandi óveðurs og lítur málið alvarlegum augum, enda er í fyrsta skipti hérlendis gefin út rauð viðvörun vegna veðurs. Allt skólahald fellur niður og einnig er fundi sveitarstjórnar frestað um viku.